Plantun de Prouvènço

Pèr coumpara dos planto d'encò nostre

Caltha palustris & Carex myosuroides

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Queirello(-co-de-gàrri)

Carex myosuroides

Cyperaceae

Àutri noum : Moutouso, Sagneto.

Nom en français : Laîche queue-de-souris.

Descripcioun :
La queirello-co-de-gàrri trachis en mato dins li pelouso de mountagno e sus li cresten venta. Se recounèis à sa pichoto espigo en co de gàrri e à si fueio primo (< 2 mm de larg). I'a de 10 à 20 espigeto emé d'escaumo bruno. La planto èi proutejido sus listo roujo, categourìo LC, es à dire soucit minour .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour :
Petalo : ges
Ø (o loungour) enflourejado : 1 à 2 cm
Flourido : Estiéu

Sòu : Ca
Autour basso e auto : 1700 à 3000 m
Aparado : Noun
Juliet à avoust

Liò : Pelouso de mountagno - Cresten venta
Estànci : Subaupen à Aupen
Couroulougi : Artico-Aupenco
Ref. sc. : Carex myosuroides Vill., 1779 (= Elyna myosuroides (Vill.) Fritsch ex Janch. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Carex myosuroides

ges

Coumpara Gauche-d'aigo emé uno autro planto

Coumpara Queirello(-co-de-gàrri) emé uno autro planto